Առա՛ջ դեպի անհպում գնումներ Apple Pay-ով

Տարբերակ 2

Մու՛տք գործեք հավելվածի «Քարտեր» բաժին, ընտրե՛ք քարտը, որը ցանկանում եք կցել, անցնե՛ք քարտի կարգավորումներ բաժին և սեղմե՛ք «Add to Apple Wallet» հրահանգը

Տարբերակ 3

Հավելվածի «Մենյու» բաժնից ընտրե՛ք «Apple pay» հրահանգը, որից հետո հայտնված պատուհանից ընտրե՛ք քարտը, որը ցանկանում եք կցել, այնուհետև սեղմե՛ք «Add to Apple Wallet» հրահանգը

Ի՞նչ է Apple Pay -ը

Apple Pay-ը խանութ-սրահներում, հավելվածներում և օնլայն հարթակներում գնումների դիմաց վճարելու հարմարավետ և ապահով միջոց է, որը հնարավորություն է տալիս կատարել վճարումներ` առանց բանկային քարտի և / կամ կանխիկի կիրառության: Հասանելի է iPhone, iPad, Apple Watсh և Mac սարքավորումների համար: Գործարքների ժամանակ ձեր քարտի տվյալները հուսալիորեն պաշտպանված են, քանի որ տվյալները չեն պահպանվում սարքավորման մեջ և չեն փոխանցվում:

Ո՞ր սարքավորումների համար է հասանելի ծառայությունը

iPhone - սկսած iPhone 6-ից

iPad - Face ID և / կամ Touch ID հնարավորություններով օժտված iPad Pro, iPad Air, iPad և iPad mini

Apple Watch - սկսած Apple Watch Series 1-ից

iMac - Touch ID-ով օժտված Mac համակարգիչներ

Ի՞նչ է անհրաժեշտ ակտիվացման համար

Face ID և / կամ Touch ID հնարավորություններով օժտված Apple սարքավորում ( iPhone, iPad, Apple Watch, iMac):

Visa կամ Mastercard բանկային քարտ

Հասանելիություն համացանցին

Apple ID, որի միջոցով կատարված է նույնականացում iCloud* համակարգում

*iCloud-ը Apple ընկերության կողմից ստեղծված ինտերնետ ծառայություն է: iCloud-ում նույնականացում անցնելու համար անհրաժեշտ է մուտք գործել Apple սարքավորման կարգավորումներ բաժին և մուտքագրել ձեր Apple ID-ն:

ՀայԷկոնոմբանկի ո՞ր քարտատեսակների համար է հասանելի Apple Pay -ը

Apple Pay-ը հասանելի է ՀայԷկոնոմբանկի կողմից տրամադրվող Visa և Mastercard վճարային համակարգերի քարտերի համար:

Ինչպե՞ս ակտիվացնել Apple Pay –ը iPhone –ում

Apple Pay -ն ակտիվացնելու համար ավելացրեք ՀայԷկոնոմբանկի ձեր քարտը iPhone–ում առկա Wallet հավելվածում:

Ինչպե՞ս կցել քարտ անմիջապես Wallet հավելվածում

Համոզվե՛ք, որ ձեր քարտի համար ակտիվացված է <<քարտային ծանուցումներ>> ծառայությունը

Բացե՛ք Wallet հավելվածը

Սեզմե՛ք վերին աջ անկյունում գտնվող նշանի վրա

Սկանավորե՛ք ձեր քարտը և մուտքագրե՛ք անհրաժեշտ տեղեկատվությունը՝ հետևելով հրահանգներին:

Ի՞նչ սակագներ են գործում Apple Pay –ի համար

Apple Pay ծառայությունը անվճար է

Որտե՞ղ կարելի է վճարում կատարել Apple Pay –ով

Apple Pay -ով կարելի է կատարել վճարումներ բոլոր այն վաճառակետերում, որտեղ առկա են անհպում վճարման սարքավորումներ, ինչպես նաև այն բջջային հավելվածներում և օնլայն խանութներում, որտեղ Apple Pay-ը հանդիսանում է վճարման միջոց կամ առկա է «Buy with Apple Pay» կոճակը:

Ինչպե՞ս կատարել վճարում խանութ-սրահում iPhone-ի միջոցով

Face ID

Վճարում կատարելու համար երկու անգամ սեղմե՛ք iPhone–ի կողային կոճակը, անցե՛ք նույնականացում Face ID-ի միջոցով և մոտեցրե՛ք ձեր iphone-ը անհպում վճարում ընդունող սարքավորմանը: Սարքավորումը կտեղեկացնի գործարքի հաջող ավարտի մասին:

Touch ID

Վճարում կատարելու համար մոտեցրե՛ք ձեր iPhone-ը անհպում վճարում ընդունող սարքավորմանը` պահելով մատը Touch ID սեղմակի վրա: Սարքավորումը կտեղեկացնի գործարքի հաջող ավարտի մասին:

Ինչպե՞ս կատարել վճարում բջջային հավելվածներում և համացանցում

Գնումների հաստատման ընթացքում՝ որպես վճարման միջոց, ընտրե՛ք Apple Pay-ը , այնուհետև սեղմե՛ք iPhone–ի կողային կոճակը, անցե՛ք նույնականացում Face ID-ի միջոցով կամ պահե՛ք մատը Touch ID սեղմակի վրա:

Անհրաժե՞շտ է արդյոք հասանելիություն՝ համացանցին Apple Pay-ով վճարումներ կատարելու համար

Ոչ՛, Apple Pay-ով վճարումներ կատարելու համար համացանցին հասանելիություն անհրաժեշտ չէ. Apple Pay ծառայությունը աշխատում է NFC տեխնոլոգիայով:

ԸՆԴՀԱՆՈՒՐ ՊԱՅՄԱՆՆԵՐ

«Հայէկոնոմբանկ» ԲԲԸ-ի կողմից թողարկված թվայնացված վճարային քարտերով իրականացվող գործարքների ընդհանուր պայմաններ