Ընդհանուր տեղեկատվություն

• vPOS ծառայության տերմինալն էլեկտրոնային համակարգերով առցանց վճարումների ընդունման հնարավորություն է, որը ներդրվում է կայքում և/կամ բջջային հավելվածում:

• vPOS ծառայության տերմինալի գրանցման համար անհրաժեշտ է ընկերության տնօրենի կողմից ներկայացնել վիրտուալ տերմինալի գրանցման դիմում՝ տրամադրելով Բանկին կայքի/հավելվածի URL հասցե (domain), իրական IP հասցե, հաշվեհամար: Բանկում դրամային հաշվի բացակայության դեպքում vPOS տերմինալների համար Բանկն անվճար բացում է ՀՀ դրամով բանկային հաշիվ:
  Հասցեն պարտադիր պետք է լինի https:// դասիչով, կայքի գրանցումը (domain) իրականացված լինի Հայաստաում, իսկ կայքում/հավելվածում պարտադիր արտացոլված լինեն սպասարկման վճարման կարգը, պատասխանատվության շրջանակը, դիմում-բողոքների ընթացակարգը կամ բոլորը միասին (Policy, Terms & Conditions):
   
• Բանկը հաճախորդին է տրամադրում vPOS տերմինալի ինտեգրման թեստային (Test) տվյալները, որի ինտեգրումից հետո միայն վերջինիս գրավոր հաստատման դեպքում տրամադրում է vPOS տերմինալի իրական (Real) միջավայրի տվյալները:
   
• Հաճախորդի կողմից դիմումի մեջ նշված էլեկտրոնային հասցեից ընդունվում և ուղարկվում է էլեկտրոնային բոլոր գրագրությունները՝ ներառյալ թեստային և իրական տվյալները, իսկ վերջինիս փոփոխության դեպքում ներկայացնում է դրանց փոփոխման վերաբերյալ ընկերության տնօրենի կողմից դիմում:
   
• vPOS ծառայության տերմինալները Բանկի կողմից գրանցվում են ArCa 3D Secure, MasterCard Securecode, Visa Secure համակարգերին գործարքները 3D Secure հավաստմամբ իրականացնելու համար: Այն դեպքում, երբ հաճախորդը չի ցանկանում իր կայքի/հավելվածի գործարքներն իրականացվեն 3D Secure հավաստմամբ, ապա ներկայացնում է դիմում-պարտավորագիր՝ հետագայում հետգանձման պահանջի դեպքում vPOS տերմինալի հաշվին համապատասխան գումար չլինելու դեպքում 3 աշխատանքային օրվա ընթացքում հետգանձված գումարը հաշվին ապահովելու համար:
   
• vPOS տերմինալի ծառայության ակտիվացման գործընթացը տևում է սովորաբար մինչև 5 (հինգ) աշխատանքային օր, սակայն հնարավոր է հիշյալ ծառայությունն ակտիվացնել ավելի սեղմ ժամկետներում, ինչը ենթակա է քննարկման առևտրի և սպասարկման կետի և Բանկի միջև:
   
• vPOS տերմինալով անկանխիկ գործարքների դիմաց Բանկի կողմից գանձվող միջնորդավճարների սակագները ըստ սպասարկման կետերի սահմանվում են պայմանագրային հիմունքներով:
  vPOS տերմինալի ծառայության ակտիվացման կամ սպասարկման վճար Բանկի կողմից չի սահմանվում:
   
• Բանկը սպասարկում է հետևյալ վճարային համակարգերի քարտերը`
  - Արմենիան Քարդ (ArCa)
  - Visa International
  - Europay, MasterCard
  - NSPK(MIR)
   
• Առևտրի և սպասարկման կետի կողմից շարունակական 180 օր և ավել ժամանակահատվածում vPOS տերմինալով իրականացված շրջանառության ընդհանուր գումարը նվազագույնը 1,000,000 ՀՀ դրամ չապահովելու դեպքում՝ Բանկն իրավասուն է միակողմանի դադարեցնել vPOS տերմինալի սպասարկումը

Հայէկոնոմբանկ ԲԲԸ վճարային քարտերի սպասարկման ուղեցույցին կարող եք ծանոթանալ այստեղ

Ծառայության նախորդ մեկ տարվա սակագներին և պայմաններին (տեղեկատվական ամփոփագրերին) կարող եք ծանոթանալ՝ անցնելով հետևյալ հղմամբ