vPOS
vPOS-ը կայքում կամ հավելվածում ինտեգրված վճարային գործիք է, որի միջոցով քարտապանները կարողանում են իրականացնել առցանց վճարումներ օնլայն վաճառակետերում
vPOS ծառայության տերմինալի գրանցման համար անհրաժեշտ է ընկերության տնօրենի կողմից ներկայացնել վիրտուալ տերմինալի գրանցման դիմում՝ տրամադրելով Բանկին կայքի/հավելվածի URL հասցե (domain), իրական IP հասցե, հաշվեհամար: Բանկում դրամային հաշվի բացակայության դեպքում vPOS տերմինալների համար Բանկն անվճար բացում է ՀՀ դրամով բանկային հաշիվ:
Սպասարկման կետի դիմումը ստանալուց հետո մինչև 10 աշխատանքային օրվա ընթացքում, Բանկի կողմից պահանջվող փաստաթղթերը և պայմանները ապահովվելու դեպքում՝ Բանկի և հաճախորդի միջև կնքվում է համապատասխան ծառայության մատուցման պայմանագիր.
Բանկը հաճախորդին է տրամադրում <<ԱՐՄԵՆԻԱՆ ՔԱՐԴ>> պրոցեսինգային ընկերության կողմից գեներացված vPOS տերմինալի ինտեգրման թեստային (Test) տվյալները, որի ինտեգրումից հետո միայն վերջինիս գրավոր և/կամ իր պաշտոնական էլեկտրոնային փոստից հաստատման դեպքում տրամադրում է vPOS տերմինալի իրական (Real) միջավայրի տվյալները:
vPOS ծառայության ակտիվացման նպատակով սպասարկման կետը Բանկին է տրամադրում կայքի/հավելվածի URL հասցեն (domain),իրականIPհասցեն: Հասցեն պարտադիր պետք է լինի https:// դասիչով, կայքի գրանցումը (domain) իրականացված լինի Հայաստաում, իսկ կայքում/հավելվածում պարտադիր արտացոլված լինեն սպասարկման վճարման կարգը, պատասխանատվության շրջանակը, դիմում-բողոքների ընթացակարգը կամ բոլորը միասին (Policy, Terms & Conditions):
vPOS ծառայության տերմինալները Բանկի կողմից գրանցվում են ArCa 3D Secure, MasterCard Securecode, Visa Secure համակարգերին գործարքները 3D Secure հավաստմամբ իրականացնելու համար: Այն դեպքում, երբ հաճախորդը չի ցանկանում իր կայքի/հավելվածի գործարքներն իրականացվեն 3D Secure հավաստմամբ, ապա ներկայացնում է դիմում-պարտավորագիր՝ հետագայում հետգանձման պահանջի դեպքում vPOS տերմինալի հաշվին համապատասխան գումար չլինելու դեպքում 3 աշխատանքային օրվա ընթացքում հետգանձված գումարը հաշվին ապահովելու համար:
vPOS տերմինալի ծառայության ակտիվացման կամ սպասարկման վճար Բանկի կողմից չի սահմանվում:
Սպասարկման կետը պետք է ապահովի՝
- Բանկի հետ համաձայնեցված եղանակով Պոս տերմինալի շահագործումը Կայքում, չփոփոխել Կայքի հասցեն առանց Բանկի համաձայնության, Կայքը գրանցել (domain) Հայաստանի Հանրապետությունում, արտացոլել կայքում ընկերության գործունեության կարգը, պատասխանատվության շրջանակը, դիմում-բողոքների ընթացակարգը կամ բոլորը միասին (Policy, Terms & Conditions):
- Կայքի անխափան աշխատանքը, Պրոցեսինգային կենտրոնի հետ մշտական կապը, իսկ դրա խափանման դեպքում՝ անհապաղ տեղեկացնել Բանկին ձեռնարկելով նաև անհրաժեշտ միջոցներ խափանումները վերականգնելու ուղղությամբ:
- Ծառայության մատուցումից հրաժարվելու, Քարտով իրականացված գործարքի անվավերության կամ որևէ այլ հիմքով Քարտապանին գումարի վերադարձը կատարել բացառապես գործարքի գումարը Բանկին վերադարձնելու միջոցով:
- Առանց Բանկին տեղեկացնելու այլ ֆինանսական կազմակերպությանը պատկանող վճարային տերմինալներ չտեղադրել Կայքում:
Սպասարկման կետում՝ vPOS-ով կատարված յուրաքանչյուր գործարքից Բանկի միջնորդավճարը կազմում է՝
|
Ըստ գործարքի տեսակի |
Արմենիան Քարդ (ArCa) վճարային համակարգի քարտերով կատարած գործարքների համար |
Visa և MasterCard վճարային համակարգերի տեղական ( Local` ՀՀ բանկերի կողմից թողարկված) քարտերով գործարքների համար |
Visa և MasterCard քարտային համակարգերի միջազգային արտասահմանյան ( ոչ ՀՀ բանկերի կողմից թողարկված) քարտերով գործարքների համար |
|
Առավելագույն միջնորդավճարի չափ |
1.2% |
2.3% |
3% |
|
Առևտրի և սպասարկման կետի կողմից շարունակական 180 օր և ավել ժամանակահատվածում vPOS տերմինալով իրականացված շրջանառության ընդհանուր գումարը նվազագույնը 1,000,000 ՀՀ դրամ չապահովելու դեպքում՝ Բանկն իրավասուն է միակողմանի դադարեցնել vPOS տերմինալի սպասարկումը: |
|||
Սպասարկման կետի շրջանառությունից և ոլորտի առանձնահատկություններից ելնելով նշված սակագները ենթակա են նվազման:
Բանկի միջնորդավճարները Սպասարկման կետը վճարում է գործարքի գումարը Բանկում գործող բանկային հաշվին մուտքագրվելու պահին:
Սպասարկման կետին Վիրտուալ Պոսով կատարված անկանխիկ վճարումների գումարները Սպասարկման կետի բանկային հաշվից կանխիկ ելքագրման համար միջնորդավճար չի սահմանվում:
Հաճախորդը՝ իրավաբանական անձի ղեկավարը (անհատ ձեռնարկատերը) , վիրտուալ ՊՈՍ վճարային տերմինալի տեղադրման կամ ծառայության ակտիվացման նպատակով պետք է մոտենա բանկի գլխամասային գրասենյակ կամ մասնաճյուղ՝ համապատասխան դիմում ներկայացնելու և հաշիվ բացելու համար, ներկայացնելով հաշվի բացման համար պահանջվող փաստաթղթեր: Հաշվի բացման համար պահանջվող փաստաթղթերի ցանկը կարող եք գտնել այստեղ (հղում):
«Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքով սահմանված հաճախորդի պատշաճ ուսումնասիրության նպատակով Բանկը կարող է «Ճանաչիր քո հաճախորդին» («Know your customer») սկզբունքի հիման վրա պահանջել լրացուցիչ փաստաթղթեր կամ այլ տեղեկություններ, ինչպես նաև բանավոր հաղորդակցման ընթացքում լրացուցիչ հարցեր տալ հաճախորդին:
«Օտարերկրյա հաշիվների հարկային համապատասխանության ակտի (Foreign Account Tax Compliance Act (FATCA)) հիման վրա Բանկի հաճախորդի՝ ԱՄՆ հարկատու հանդիսանալու հանգամանքը պարզելու համար կարող է իրականացնել լրացուցիչ տեղեկատվության հավաքագրում»:
Սպասարկման կետը Քարտապանին/վճարում իրականացնողին գործարքի անվավերության կամ որևէ այլ հիմքով գումարի վերադարձը կատարում է բացառապես գործարքի գումարը Բանկին վերադարձնելու միջոցով:
Բանկի վիրտուալ պոսի ծառայության տեղեկատվական ամփոփագրին կարող եք ծանոթանալ այստեղ:
Ծառայությունները մատուցվում են անհատ ձեռնարկատեր ֆիզիկական անձանց և իրավաբանական անձանց
Ծառայության ժամանակավոր կամ ընդմիշտ դադարեցման դեպքում՝ Բանկը կտեղադրի համապատասխան հայտարարություն
«Ձեր ֆինանսական տեղեկատուն»` www.fininfօ.am ՖԻԶԻԿԱԿԱՆ ԱՆՁԱՆՑ ԱՌԱՋԱՐԿՎՈՂ ԾԱՌԱՅՈՒԹՅՈՒՆՆԵՐԻ ՈՐՈՆՄԱՆ, ՀԱՄԵՄԱՏՄԱՆ և ՁԵԶ ՀԱՄԱՐ ԱՄԵՆԱԱՐԴՅՈՒՆԱՎԵՏ ՏԱՐԲԵՐԱԿԻ ԸՆՏՐՈՒԹՅՈՒՆԸ ՀԵՇՏԱՑՆՈՂ ԷԼԵԿՏՐՈՆԱՅԻՆ ՀԱՄԱԿԱՐԳ Է»),
Սպասարկման կետը իրավունք ունի պահանջել Բանկից՝ ապահովելու Պոս-տերմինալի անխափան աշխատանքը, խափանումների դեպքում՝ ձեռնարկելու միջոցներ դրանք արագ վերացնելու ուղղությամբ, կատարելու Պոս տերմինալի ծրագրային ապահովումների անհրաժեշտ թարմացումները:
Կողմերի հաղորդակցման ձևերը և կարգը սահմանվում են պայմանագրով կամ կողմերի փոխադարձ համաձայնությամբ:
Սպասարկման կետը իրավունք ունի միակողմանի լուծել Բանկի հետ կնքված պայմանագիրը՝ 30 (երեսուն) օր առաջ Բանկին տեղեկացնելով և մինչև պայմանագրի լուծման օրը ամբողջությամբ կատարելով Բանկի նկատմամբ իր պարտավորությունները ու վճարումներ:
Սպասարկման կետի կողմից Գաղտնի տեղեկատվությունը երրորդ կողմին տրամադրելու դեպքում` Սպասարկման կետը վճարում է Բանկին տուգանք նվազագույն աշխատավարձի հարյուրապատիկի չափով և հատուցում նաև դրա հետևանքով Բանկին պատճառված վնասները լրիվ ծավալով:
Սպասարկման կետը պարտավոր է գրավոր դիմումով տեղեկացնել բանկին, եթե կատարվել է կայքի/հավելվածի կասեցում, URL- հասցեի փոփոխում, domain-ի կասեցում, և/կամ գործունեության դադարեցում: