Տոկոսագումարը կապիտալացվում է միայն «Մանկական» ավանդի դեպքում: Տոկոսագումարի կապիտալացումն իրականացվում է տարին մեկ անգամ՝ հունվարի 10-ին՝ ավելացվելով ավանդի գումարին, և տոկոսադրույքը շարունակվում է հաշվեգրվել ավանդի ընդհանուր գումարի նկատմամբ մուտքագրման օրվանից:

«Դասական» և «Դասական+» ավանդների դեպքում՝
ավանդը կամ դրա մի մասը մինչև վերադարձման ժամկետի լրանալը պահանջելիս, համապատասխանաբար ավանդի կամ պահանջվող մասի դիմաց պայմանագրով սահմանված տոկոսների փոխարեն հաշվարկվում են տոկոսներ՝ տարեկան 0% տոկոսադրույքով։ Եթե ավանդատուին արդեն վճարվել են պայմանագրով սահմանված տոկոսները, ապա վճարված տոկոսագումարի չափով ավանդը համարվում է վերադարձված։

«Շահավետ» և «Պարզ» ավանդների դեպքում՝
ավանդը վաղաժամկետ պահանջելիս, սահմանված տոկոսագումարի փոխարեն ավանդի դիմաց հաշվարկվում և վճարվում է տոկոսագումար՝ սահմանված վերահաշվարկվող տոկոսադրույքով։ Եթե արդեն վճարվել է սահմանված տոկոսագումարը, ապա վերահաշվարկվող տոկոսադրույքով հաշվարկվածից ավելի վճարված տոկոսագումարի չափով ավանդը համարվում է վերադարձված։

«Մանկական» ավանդի դեպքում՝
ավանդը կամ դրա մի մասը մինչև վերադարձման ժամկետի լրանալը պահանջելիս, հաշվեգրված տոկոսագումարը վճարվում է հաճախորդին՝ բացառությամբ վերջին հաշվեգրման ամսաթվից մինչև ավանդի պահանջման օրը ընկած ժամանակահատվածի, որի համար տոկոսները հաշվարկվում են 0% տոկոսադրույքով։

«Դասական» ավանդը 274 օրից պակաս ժամկետում վերադարձնելու պայմանով ներդրվելու դեպքում՝ ավանդին գումարներ չեն կարող ավելացվել, իսկ նման պայմանով երկարաձգվելու դեպքում` գումարներ կարող են ավելացվել միայն երկարաձգման օրը և ոչ ավել ավանդի մնացորդային գումարի չափից:

• «Դասական+» և «Պարզ» ավանդների դեպքում՝
  ավանդին լրացուցիչ գումարներ ավելացնել հնարավոր չէ։
• «Դասական»  ավանդի դեպքում՝
  ավանդին կարող են ավելացվել  գումարներ ավանդը 274 օր և ավելի ժամկետում վերադարձնելու պայմանով ներդրվելու (այդ ժամկետով երկարաձգվելու) դեպքում` միայն ավանդի վերադարձման (երկարաձգված) ժամկետին նախորդող մինչև 180-րդ օրը և ոչ ավել ներդրման (երկարաձգման) պահին ավանդի մնացորդային գումարի չափից:
• «Շահավետ» ավանդի դեպքում՝
  ավանդին կարող են ավելացվել  գումարներ ՀՀ դրամի դեպքում ավանդի վերադարձման (երկարաձգված) ժամկետին նախորդող մինչև 91-րդ օրը, արտարժույթի դեպքում՝ 181-րդ օրը, որոնց դիմաց հաշվարկվում է տոկոսագումար՝ ավանդի դիմաց հաշվարկվող տոկոսադրույքի չափով և պայմաններով: Սկզբնական ներդրված (երկարաձգված) և ավելացված գումարների հանրագումարը չի կարող գերազանցել ավանդի  սահմանված  առավելագույն ընդհանուր գումարը:
• «Մանկական» ավանդի դեպքում՝                                                                                                 ավանդին կարող են ավելացվել գումարներ ցանկացած պահի և ցանկացած ծավալով ավանդի ժամկետի լրանալուն նախորդող մինչև 60-րդ օրը:

Այո, ավանդի դիմաց հաշվարկված տոկոսները, ավանդատուի հանձնարարականի հիման վրա, կարող են փոխանցվել քարտային հաշվին։

Ավանդի ծավալից կախված՝ «ՀԱՅԷԿՈՆՈՄԲԱՆԿ» ԲԲԸ-ն ավանդատուներին տրամադրում է անվճար վճարային քարտ՝

1) ցանկացած ծավալի ավանդի դեպքում՝ ArCa Classic քարտ,

2) 300,000 ՀՀ դրամ (կամ համարժեք արտարժույթ) և ավելի ավանդի դեպքում՝ Mastercard Standard, Mastercard Gold, Visa Classic, Visa Gold տեսակի քարտեր։