«ՀԱՅԷԿՈՆՈՄԲԱՆԿ» ԲԲԸ-ն փնտրում է պատասխանատու և աշխատասեր աուդիտորի՝ Ներքին աուդիտի վարչության թիմին միանալու համար: Որպես աուդիտոր, աշխատակցին հնարավորություն կընձեռվի ներքին աուդիտի միջազգային հայեցակարգի պարտադիր տարրերին համահունչ մասնակցել և աջակցել Բանկի կառուցվածքային և տարածքային ստորաբաժանումներում ռիսկերի վրա հիմնված հանձնառությունների (ստուգումների) արդյունավետ իրականացմանը: Միանալով վարչությանը, աշխատակիցը հնարավորություն կունենա զարգացնել մասնագիտական հմտությունները և կարողությունները:

• Բանկի կառուցվածքային և տարածքային ստորաբաժանումներում ռիսկերի վրա հիմնված հանձնառությունների (ստուգումների) մասնակցություն,
• Ներքին աուդիտի վարչությանը վերաբերող ներքին կանոնակարգերով սահմանված գործառույթների իրականացմանն ուղղված աշխատանքների կատարում, 
• Ներքին հսկողության նվազագույն պահանջների կատարման նկատմամբ վերահսկողություն,
• Վարչության պետի կողմից այլ հանձնարարությունների պատշաճ կատարում,
• Անհրաժեշտության դեպքում գործուղումներ դեպի մարզային մասնաճյուղեր:

• Ներքին աուդիտի մասնագիտական գործունեության միջազգային ստանդարտների, ՀՀ օրենսդրության, ինչպես նաև ՀՀ բանկերի գործունեությունը կարգավորող կանոնակարգեր իմացություն,
• Վերլուծական մտածելակերպ,
• Համակարգչային հմտություններ (Microsoft Office ծրագրային փաթեթի տիրապետում),
• Պարկեշտություն, օրինապահություն, հաղորդակցման հմտություն և թիմում աշխատելու ունակություն

Բարձրագույն մասնագիտական կրթություն՝ աուդիտի, ֆինանսների, ռիսկերի կառավարման կամ այլ հարակից ոլորտներում (կարող են դիմել նաև ավարտական կուրսի ուսանողները)

Առնվազն 1 տարվա մասնագիտական աշխատանքային փորձ ֆինանսական համակարգում

Microsoft Office 

Հայերեն և անգլերեն՝ գերազանց, ռուսերեն լեզվի լավ իմացություն